Ein Blaenoriaethau
Bob blwyddyn mae Cymdeithas Swyddogion Cynllunio Cymru (CSCC) yn nodi nodau blaenoriaeth y’u hystyrir gan Brif Swyddogion Cynllunio Cymru fel y rhai mwyaf hanfodol i’w cyrraedd i sicrhau bod datblygu cynaliadwy o ansawdd uchel yn parhau i gael ei gyflawni. Rydym yn canolbwyntio’n hymdrechion ar geisio newid cadarnhaol a chanlyniadau gwell ym mhob un o’r meysydd blaenoriaeth hyn.
Mae Cymdeithas Swyddogion Cynllunio Cymru wedi cytuno i flaenoriaethu mynd i’r afael â’r materion canlynol o ran cefnogi gwaith Awdurdodau Cynllunio Lleol, hyrwyddo arferion gorau a dylanwadu ar ganlyniadau yn y pen draw:
Gwell adnoddau o fewn awdurdodau cynllunio i alluogi cyflwyno gwasanaethau mewn modd effeithiol, gan gynnwys cynyddu ffioedd statudol.
Egwyddorion creu lleoedd yn ysgogi’r broses gwneud penderfyniadau ar draws awdurdodau a disgyblaethau.
Cynyddu cyfraddau cyflwyno datblygu cynaliadwy o safon uchel, gan gynnwys cartrefi newydd
Datrys materion sy’n gysylltiedig â pherygl llifogydd a chyfyngiadau ffosffadau/nitradau
Rhoi mwy o sylw i Gynlluniau Datblygu Lleol newydd gydag adnoddau a fframweithiau cyflwyno gan alluogi gwaith rhagarweiniol ar Gynlluniau Datblygu Strategol
